Hau hatene toba fatin nebé “karun liu” iha mundu mak “ toba fatin nebé iha ospitál”, ne'ebé hau sosa labele. Hau so bele aluga “kada loron” ho presu ne'ebé mós hau selu labele.
Mai rona saida mak Señor Steve Jobs, Fundador Apple nian ne'ebé ho nia rikeza miloens $70 dolares amerikanu, ne'ebé husik hela lia-fuan ikus molok nia mate.
Iha mundu bisnis, hau nu'udar símbolu susesu nian, ne'ebé dala barak susar atu haketak riku-soin ho hau nia-an. Hau servisu no servisu deit, tanba hau nia hobi la barak. Oras ne’e hau latan eh toba hela iha ospitál, hodi reflete hau nia dalan moris, riku-soin, naran, no posizaun. Buat ne’e hotu la iha ona folin.
Kalan ne'ebé hakmatek lós, ahi naroman no makína sira ne'ebé lian besik hau latan fatin, nu'udar mate i'is hakbesik daudaun ona mai hau-an.
Agora mak hau foin hatene, ema ida sarak iha riku-soin ne'ebé uza ba nia-an rasik ne’e naton ona. Duni tuir riku-soin la iha rohan hanesan monster ne'ebé hatauk tebetebes.
Nai Maromak fó sentimentu ba ita, atu ita bele senti domin ne'ebé iha ita nia fuan laran ne'ebé iha kle'an bá. Ksolok la'os mai husi moris ne'ebé luxu no glamour. Moris hanesan ne’e iluzaun deit.
Riku-soin ne'ebé hau hetan wain-hira hau moris, hau sei labele lori ida mós ba hamutuk ho hau. Buat ne'ebé hau bele lori mak domin ne'ebé kmo'okk, durante ne’e haksumik-an iha hau fuan laran. Domin ne’e deit mak bele haforsa no fó roman ba hau.
Toba fatin sa mak karun liu iha mundu ne’e? Toba fatin ne’e mak ema moras nia latan fatin. Ema seluk bele loke-taka kareta nia odamatan ba Ó, ema seluk bele servisu ba Ó, maibé la iha ema ida mak bele troka Ó nia moras no terus. Sasan ne'ebé lakon bele hetan fali, maibé wain-hira ema ida lakon nia labele fila tan. Wain-hira Ó tama ba sala operasaun nian, Ó foin hatene katak saúde ne’e karun oin-sa lós.
Ita la'o hela iha dalan moris ne’e nian. Ho tempu ne'ebé mós la'o namanas, iha loron ida ita sei to'o iha fatin ikus liu. Hanesan mós ho palku drama nian, hena palku nian sei taka, tanba drama hotu ona.
Buat ne'ebé ita tenki respeitu no hadomi liu mak relasaun domin entre família, domin entre fe'en ho laen no mós domin amizade entre amigos no amigas.
Respeitu kada segundus ba mintus, iha ita nia moris. Hakotu ita nia moris ho problema oioin ne'ebé ita labele sosa ho osan.
Tane malu ba, tanba nia mak folin boot liu
buat hotu-hotu iha mundu ne'e.