SERVISU ATU OSAN HALAI TUIR ITA - 8

Matt Mullenweg…

                                               is a Fool - But Even Fools Do Smart Things..

            Matt Mullenweg nu'udar fundador WordPress, situs ba blogger hotu. Iha idadi ne'ebé sei nurak nia famozu ona nu'udar milionáriu, ne'ebé ho riku soin total miloens 40 Dolares Amerikanu. Matt dezenvolve WordPress nu'udar aplikasaun blog ne'ebé aberta/nakloke ba públiku.

            Nia dehan:" Se ita halo buat ida tanba osan, ita sei hasoru difikuldadi barak wain-hira ita fan. Maibé halo sa mak ita gosta, entaun osan mak sei duni tuir ita.” Nia hakarak halo WordPress nu'udar buat ne'ebé folin ba nia komunidadi ne'ebé mai husi rasa, interese no hanoin oioin ne'ebé la hanesan. No nia fiar katak loron ida domin sei hakonu buat hotu. Liu husi hanoin ne'ebé universál ne’e, nia fiar katak WordPress sei fó inspirasaun ba ema sira ne'ebé hakarak espresa sira nia hanoin, kona-ba sa deit,  liu husi blog.

            Alein WordPress, Mullenweg mós harí Global Multimedia Protocol Group (GMGP), formatu ne'ebé komplikadu liu fali HTML.  Iha tinan 2004, nia labele kontinua nia estudu iha universidadi no muda husi Houston ba Saun Fransisku atu servisu iha CNET. Durante servisu tinan ida iha ne'ebá, nia konsege lansa Automatic no Askimet, software ne'ebé utiliza hodi blokeia spam.

            Iha nia semináriu hotu nia sempre dehan: “Osan no saláriu la'os ita nia motivasaun prinsipál. Maibé haré lós (focus) ba buat ne'ebé ita gosta mak nu'udar ita nia motivasaun.” Aranka husi razaun sira ne’e mak nia hahu dezenvolve WordPress. Razaun primeiru, nia hakarak halo situs blog online ne'ebé
fasil ba utilizador sira. Katak, nia hakarak ema hotu bele halo blog. Hanoin ida ne’e ikus mai sai realidadi: WorPress sai famozu no popular lais liu site sira seluk. Razaun segundu, nia hakarak prienxe utilizador sira nia hakarak, tuir nia mehi prinsipál ne’e: “WordPress tenki sai hanesan open source ida ba ema tomak; hau nia servisu hanesan fó prezente gratuita ida ba mundu no ba ema barak, atu ema hotu bele uza hau nia servisu nia fuan.”

            Mullenweg ho haraik-an konfesa katak susesu ne'ebé WordPress hetan tanba ema barak nia kontribuisaun: “Hau servisu hamutuk ho ema mesak ekstra-ordiariu ne'ebé ajuda demonstra servisu publikasaun nian iha website hotu. Tanba ne’e WordPress bele krese lalais hanesan agora.” Wain-hira nia hahu nia serviu ho linguajen mundu komputador nian hodi dezenvolve WordPress, iha inísiu ne’e nia la hatene buat barak.

            Tanba ne’e iha faze primeiru ne’e, nia esforsu aprende barak hodi hatene linguajen programa komputador nian. No buat ne'ebé importanti liu iha inisiasaun ne’e:
“Laos linguajen komputador deit mak importanti hodi dezenvolve programa ida, maibé aprosimasaun komunikasaun ho ema seluk tenki hetan atensaun espesiál. No, problema dezeñu, kor, publikasaun marka no utilizasaun  iha servisu hanesan ne’e mós presiza fó atensaun másimu,” dehan Mullenweg.

Espera katak,

depois lé artigu ne’e sei mosu Mullengweg foun barak husi Timor-Leste mós…..‼ a 

Fontes:  https://id.wikipedia.org/wiki/Matt_Mullenweg