TIMOR NOW HATENE - Iha parte kik ida husi lisaun sigredu moris nian
(The Secreat of Life) nebé bele no ita bele hetan hodi fó signifikadu
ba moris ida nebé nakonu ho sentidu no feliz…
Ida ne’e mak lei konaba moris nebé nakonu-nakfakar
soi-duni ba forma ESPÍRITU NEON nian nebé diak no boot.
Hau nia irmaun…Wainhira ita fó mak ita sei simu.
Wainhira ita tulun ema seluk,
iha momentu nebé hanesan ita tulun daudaun ita nia-an rasik.
Saida mak ita halo ba emak seluk,
tuir lolós ita halo daudaun buat ne’e ba ita nia-an rasik.
Ida ne’e mak sigredu moris nian
nebé subar ba ema barak
hodi forma Epíritu Neon nian nebé diak no boot…
Tanba ne’e ema barak gosta liu atu simu deit duke fó.
Sira gosta liu simu tulun duke sira mak fó tulun.
Moris haré deit ba sira nia-an.
Hau nia irmaun….
Ema matan delek ida lao ho nia ai-tonka iha kalan…
Nia liman lós kaer nia ai-tonka no
iha liman karuk nia lori ahi-oan.
Panorama ida ne’e halo hakfodak
mane ida nebé lafinje haré avó matan delek ne’e.
Atu la hanoin barak,
mane ne’e husu, “Tanba sa ita lao lori ahi-oan?”
Avó matan delek ne’e hatan,
“Atu ahi-oan ne’e haroman dalan.”
Ho hakfodak mane ne’e husu tan,
“Maibé…ita ne’e laos delek ka? Maski iha ahi-oan,
labele nafatin haré dalan be sa?”
Avó matan delek ho hamnasa nia hatan,
“Maski hau labele haré, maibé ema seluk bele haré.
Alein fó naroman ba dalan,
ahi-oan ne’e mos hases hau husi perigu
atu ema seluk la xoke hau.”
Iha momentu ita halo buat ida ba ema seluk,
tuir lolós ita halo daudaun buat ida ba ita nia-an rasik mos.
Fó hanoin ba ita atu labele kolen uitoan mos atu halo buat diak.
Maromak hakarak atu ita halo buat diak.
Hahalok diak saida deit sei hetan bensaun husi Nia.
Maromak ne’e Diak…lós duni…
Tanba Nia mak Diak Ne’e Rasik…
Ida ne’e sigredu moris nian atu moris nakonu ho bensaun,
Nakonu-nakfakar no feliz. Ley de la abundancia.
Enkuantu ita fó nafatin, mak ita sei la kuran buat ida…
Laiha ema riku ida mak la presiza tan buat ida
No laiha ema kiak ida mos mak labele fó buat ida…
Maski nune’e, sigredu moris ne’e
subar ba ema sira nebé egoista, kantén, karaktén,
no halo buat ida hanoin deit ba nia-an rasik.
“Saida mak ita halo ba ita nia maluk kriatura sira seluk,
loron ida buat ne’e sei fila fali ba ita.
Kumprimentus ho NEON BooT
Laran metin katak diak nafatin, susesu no feliz.
Nai haraik bensa ba ita tomak.
PAZ E BEM‼
Gcb