Se mak la koinse ponte “The Brooklyn Bridge”, ne'ebé nia naruk 1.825 m ho nia nakahe ne'ebé naruk tebes besik to'e 500m hatutan ilha Manhattan ho Brooklyn iha Nova Ioarka, Estadus Unidus. Iha projetu boot ne’e nia kotuk iha milagre no istória ne'ebé furak tebetebes.
Iha tinan 1869, iha Injineiru ida ne'ebé matenek tebes, naran John Augustus Roebling, hetan inspirasaun hodi halo ponte espektakulár ida ne'ebé hakat Motan Leste (East River). Rona Roebling nia istória, espesialista konstrusaun nian iha país laran tomak hamnasa nia no sira dehan ba nia atu haluha tiha ideia bulak ne’e. Ne'ebé tuir sira nia hanoin katak: "IMPOSÍVEL ATU HALO!"
Roebling fó aten brani ba nia oan, naran Washington Roebling, joven ida ne'ebé estuda daudaun siénsia téknika sivil, ho dehan ba nia katak
Iha posibilidadi tebes atu halo no harí ponte ne’e. Sira nain rua hahu hamutuk dezenvolve konseitu atu ho maneira oin-sa harí no hafera kada problema no difikuldadi sira ne'ebé karik sei mosu.
Iha posibilidadi tebes atu halo no harí ponte ne’e. Sira nain rua hahu hamutuk dezenvolve konseitu atu ho maneira oin-sa harí no hafera kada problema no difikuldadi sira ne'ebé karik sei mosu.
Ho entuziasmu ne'ebé boot, sira nain rua ho ekipa hahu harí ponte ne'ebé ema dehan mehi deit ne’e. Wain-hira konstrusaun ponte hahu la'o iha fulan balu nia laran, akontese dezastre ida ne'ebé halo mate John Augustus Roebling. Enkuantu nia oan, Washington hetan kanek no ruin-tohar ne'ebé todan tebetebes halo nia alejadu permanente, nune’e nia labele ko'alia no la'o tan. Ema hotu hanoin katak projetu ne’e la kleur sei pára no so'e ona, tanba sira nain rua deit mak hatene oin-sa ponte ne’e sei harí.
Maski iha kondisaun labele bokan ka ko'alia, tanba toba deit iha kama leten, maibé Washington nia kakutak servisu nafatin. Nia dezeiju-hakarak realiza nia no nia aman nia mehi lakan nafatin. Ideia ida ne'ebé derepenti mosu iha nia ulun mak ne’e: "Oin-sa dezenvolve maneira komunikasaun liu husi nia liman-sanak." Tanba buat nebé nia sei bele halo mak oin-sa bele uza nia liman-sanak ida ne'ebé sei bokan ne’e. Washington koko ka'er nia ferik-oan nia liman, hodi hakerek ho nia liman-sanak, kódigu oioin atu haruka badae no injineiru sira ne'ebé harí daudaun ponte ne’e atu halo tuir konseitu ne'ebé iha nia ulun.
Durante tinan 13 instrusaun sira ne'ebé nia hakerek ho nia liman-fuan ida deit ne'e, ikus mai bele realiza duni projetu ponte boot ne’e bele hotu no uza iha tinan 1883.
Washington ho nia aman, John Augustus Roebling, nia esperiénsia fó hanoin no hanorin ita katak: "Ema seluk bele dehan,ita bulak, ita sei la
susesu, mehi iha loron-manas, no liafuan negativu seluk-seluk tan, maibé husi ema negativu sira ne’e ida nunka bele oho ita nia mehi."
Washington ho nia aman, John Augustus Roebling, nia esperiénsia fó hanoin no hanorin ita katak: "Ema seluk bele dehan,ita bulak, ita sei la
susesu, mehi iha loron-manas, no liafuan negativu seluk-seluk tan, maibé husi ema negativu sira ne’e ida nunka bele oho ita nia mehi."
https://en.wikipedia.org/wiki/Brooklyn_Bridge