Uluk hau gosta beibeik krítika ema seluk, tuir hau nia supozisaun, hau rasik mak lós liu, no ema nebé hau krítika sala.
Tanba saida uluk hau krítika beibeik ema seluk?
Tanba hau fiar no ema barak mos fiar katak, buat krítika ne’e hodi konstroi, harí.
Tanba ne’e dala barak ita rona ema dehan la buat ida, krítika deit ba, sarak krítka nebé konstroi.
Wainhira hau nia tinan aumenta tuan no hau hahu interesadu atu aprende konaba livru sabedoria sira, hau hakfodak katak parte barak husi livru sabedoria sira dehan katak TUIR LOLÓS LAIHA KRÍTIKA IDA MAK KONSTROI, krítika hotu nia objetivu hodi harahun-hamonu, halo aat no hanehan ema nebé simu krítka nia sentimentu.
Tó iha loron ida hau lé livru, rezultadu eksperimentu Masaru Emoto nian, husi Japaun, nebé koko halo izame ba fós ka etu, nebé nia tau iha toples plástiku rua nebé la hanesan.
Toples primeiru, loron-loron fó krítika beibeik no hakerek liafuan krítka iha masa lolon. Hafoin toples segundu fali, fó motivasaun no hahí loron-loron.
No nia rezultadu iha semana ida ka rua, toples primeiru nebé fó krítika loron-loron, komesa dodok sai metan-kulafur. Toples ida fali nebé ho konteudu hanesan, sei mós nafatin no mutin, la dodok no la kulafur.
Hau preokupa tebes atu hatene livru ne’e ninia isplikasaun. Ikus mai hau koko halo eksperimentu ne’e hamutuk ho hau nia uma laran.
Afinál lós tebes. Nia rezultadu sai maizumenus hanesan.
Toples nebé loron-loron simu krítika, aat lalais, sai metan no dodok-dois.
Ami nia uma laran hahu aprende husi esperimentu ne’e, atu la abuza malu, la hatete aat malu, la krítika ema seluk, mabéi treinu-an ho koalia diak nebé laos krítika.
Hahu husi ne’e, hau aprende atu la krítika tan ema seluk.
No fiar ka la fiar, eksperimentu ne’e nia rezultadu ekstra-ordináriu tebes. Ami hahu fó atensaun ba malu, fuan hakmatek no dame liu, respeitu malu liu tan, no diak liu mak hahu hadomi malu tebes.
Hau troka hau nia liafuan sira nebé krítika, ho liafuan obrigadu, ba diak saida deit mak sira halo. Ne’e mak eksperimentu nebé Prof. DR. Syamsul Ma’arif, MA - Professor katedrátiku iha IPB Bogor koko halo hodi share mai ita.
***** Lé tiha eksperimentu furak ne’e…mai ida-ida koko fali iha ita nia moris no ita nia uma laran no iha ita nia servisu fatin…Be Positive alwayas!
Gcb.Peace and Good!