Skip to main content

AI MARAN HAMATE EMA IHA DILI

Ai-hun matak, tahan tebar nia funsaun fo mahon, iha tempu manas; produz CO2,ba ema nia vida; hafurak sidadi; hafurak foho-lolon no foho leten; sai horik fatin ba balada fuik sira; hametin-rai no hakiak we-matan.

Maibé, ita oho (tesi) hotu, fa’an ba kompainia tunu paun, tunu sate, no konsumu familia nian (tein).

Ah! Tan sa imi sei sunu ai? Dehan: “Imi riku mina?’’ Eh bro keta ibun boot! Ami dale deit… Nega? Afinál imi NATO ida mos! NATO=No Action Talking Only.

Uluk kansaun antiga dehan:Timor furak; Timor matak.Aifunan buras halo Dili matak. Agora fali Dili rai-sidadi ai-hun tuan nakrakat.

Uluk malae portugés haruka kuda ai no aifunan; hafutar Dili sai matak no elegante. Nudar provas Timor oan konta iha múzika ho loko-an. Maibé jerasaun foun la haré ona furak ne’e.

Ohin loron, sidadi Dili nakfila ba sidadi ‘MUZÉU’ ai-hun tuan no maran: La iha tahan; la iha funan. Dili, hafalun-an ho lixu no dois. Tanba atu hamos nia uma-hun no nia bairro, hein Mr. $3. Iha nebé Timor-oan sira nia ispíritu halúlu (gotong royong)?

Iha estrada Dili, liu ba, liu mai, ami haré ai-hun maran. Ami hosik....ami finji la haré! Ou konsiénsia mate? Ah! Ami hakfodak kuandu nia monu… harahun povu nia veikúlu; povu nia motorizada no hasai povu nia vida iha dalan eh jardin.

Pois iha asidente....ami hahú du’un malu: Lolos ne’e sira ne'e nia responsabilidadi: Meiu-ambiente, Bombeiros, Protesaun Sívl, Autoridadi protesaun Sívil, EDTL, Eh keta haluha! Seguransa Floresta mos...Sorry! Ami nia Rekrutamentu sei ulun-ain hela. Hmmm...Timor! Rekrutamentu sa deit...”pasti ribut!” Please! Moe donk.

Ok. Fine! Imi du’un malu ba. Maibé, keta haluha hasai ai-hun maran sira iha:Motael (Besik Nunciatura), Parlementu Nasionál oin, Área Banku Sentrál nian, nslslt.

STOP du’un malu! Mai ita...halo servisu. Koolabora malu no rona malu. Tanba Timor presiza ba oin.

Notas sujestaun: Karik ai-hun maran nebé hasai ona, presiza troka fali ho ai-kasi oan.

Small is beauty!

GCB

Labels:

Comments

Post a Comment

Hosik hela komentariuiha ne'e

Popular posts from this blog

ÉTIKA NEGÓSIU

Dezvantajen iha tempu badak nudar dalan nebé ema tenki liu atu hetan vantajen iha tempu naruk.             Ema Xina fiar, komersiante nebé susesu tenki iha kbiit kreatividadi nebé ás alein kapasidadi atu hadau oportunidadi. Embora atu alkansa   ézitu no hetan proveitu refere, husu atu komersiante ida tenki uza maneira saida deit mak mosu iha nia hanoin. Maibé, buat ne’e la signifika komersiante bele uza maneira foer no bosok atu hamonu nia rivál. Komersiante Xina iha kódigu étika nebé bandu uza maneira foer. Hamonu ema seluk nia komérsiu nudar hahalok nebé povu Xina hotar tebes. Kompetisaun nudar asaun nebé susar atu hases hosi   komérsiu. Dala barak akontese kompetisaun makás nebé hamosu sizma no ostilidadi.             Kompetisaun nebé saudável sei benefisia parte hotu. Nune mos kompetisaun nebé la justu sei la lori proveitu ba se deit no parte hotu. Karik iha...
Post a Comment
Read more

MANEIRA | TIPS 3 HALO TÍTULU TEZE NEBÉ DIAK

Maneira oin-sa defini teze nia tema no deskobre títulu nebe furak, ida né mak nudar problema inísiu ba estudante sira atu hahu halo sira nia teze. Maibe ita boot lalika laran susar, tuir mai né sei aprezenta faze no maneira ka tips nebe bele implamenta nodi prosesu lalais ita boot nia teze. Espera katak molok le tema né ita boot le uluk ona tema primeiru nebe ami hakerek antes konaba tips 13 oin-sa halo propósta teze nian. I. BUKA TEMA NEBE DIAK NO FURAK Importanti tebtebes atu hili tema ka tópiku nebe diak. Iha buat lubuk ida nebe tenki tetu uluk molok hili teze nia títulu, hanesan: 1). Tópiku nebe hili ona, ita boot domina ka lae? 2). Dosente giador domina no bele lori ita boot durante prosesu halo teze né ka lae? 3). Atensaun diak ho tempu (deadline), tema nebe ita boot hili bele hotu lalais iha tempu badak ka lae? 4). Tuir kapasidadi, presiza orsamentu hira ba tema nebe ita boot hili? II. INSTRUMENTU APOIANTE 1). Foti Tópiku nebe fasil Tenki defini ho klaru kedas atu ...
Post a Comment
Read more

Prezidente Repúblika Deklara “Funu”

Imajen Ilustrasaun Iha Kuarta Feira, Loron 8 fulan Abril 2020, Prezidente Repúblika, Franciso Guterres Lu’Olo, hato’o mensajen importanti ba povu tomak relasiona ho situasaun atuál ne’ebé povu presiza fó konsiderasaun, nune’e kolaborasaun entre povu ho Estadu no Governu bele alkansa ho di’ak ba nasaun no povu nia vida. Kona-ba ne’e, ami toma notas nesesáriu balu hodi fahe ba maluk sira tuir ami nia “ponto de vista” .   Primeiru, Señor Prezidente Repúblika toka uluk kona-ba situasaun emerjénsia ne’ebé Estadu no Governu servisu maka’as hela atu responde, mak: Funu hasoru ameasa COVID-19. Relasiona ho ameasa konkretu hosi virus ne’e, Governu limite kedas povu nia movimentu ho objetivu atu salva-guarda kada pesoa ho kada família timorense nia moris atu la hada’et virus ne’e ba maluk seluk. Apelu Prezidente Repúblika ho virus refere, nu’udar atensaun espesiál hosi aman nasaun nian ba oan sira, povu timorense, nia salvasaun perante atake hosi virus perigozu ne’e. Tanba ne’e povu...
Post a Comment
Read more