Skip to main content

Ho Ispíritu Unidadi Nasionál Timor Bele Aselera Dezenvolvimentu

BAGUIA (24/04) - 1. Espresa kultura Timor nia simpatía ba bainaka mak liu hosi tara-tais no tur hamutuk nodi ha malus. Nune'e mak uma-nain Laga- Baguia simu Lider Supremu, Prezidente no Ekipa Kampaiñia Partidu KHUNTO nian iha Mini Kampaiñia KHUNTO nian iha Laga-Baguia, Baucau.

2. Konforme Koordenador Partidu KHUNTO Baguia nian, afirma katak uluk ema "hakribi" KHUNTO, maibé ohin loron iha Baguia Partidu seluk mós hahú konta ona KHUNTO ninia ezisténsia. Alein ne'e koordenadór ne'e mós aprezenta nia kompatriota sira hosi organizasoens arte marsial balu ne'ebé desidi mai hamutuk ho família boot Partitu KHUNTO. Personalidadi hosi grupu arte marsial sira ne'ebé hili KHUNTO hodi fo sira nia votu tanba úniku Partidu ne'e mak iha vizaun ba Unidadi Nasionál. Sira senti duni katak KHUNTO hakuak organizasoens hotu-hotu sein halo deskriminasaun.

3. Eix klandestina, señor Juvinal, hosi Baguia mós anima partisipante sira ho ninia esperiénsia luta nian iha pasadu, ne'ebé dudu nia desidi mai hamutuk iha Partidu KHUNTO, tanba Partidu ne'e mak nafatin inspira sira atu kontínua luta ba Unidadi Nasionál, ne'ebé uluk "heroi" sira mehi no luta to'o sira nia ran turu ikus. Sira hotu nia mehi no luta ne'e labele mate, maibé tenki sai nafatin timor oan hotu nia mehi no luta. Ita hotu mehi hamutuk mak ita nia mehi sai realidadi.

4. Agapito do Rosário (Aga) hosi Postu Watulari (Vqq), hosi organizasaun IKS, mós afirma hanesan katak nia desidi mai hamutuk iha KHUNTO tanba ispíritu Unidadi Nasionál. Ispíritu ne'e lolos mak Timor oan tomak nia dalan atu hetan naroman. Katak Aga tan: "Uluk ita fahe malu tanba la iha unidadi; uluk sosiedadi tau karimbu ba joven sira nu'udar autor krimi. Tanba ne'e to'o ona tempu joven sira tenki"hakilar" ba mundu katak joven laos tan autor krimi, maibé autor dezenvolvimentu". Atu mehi ne'e sai reslidadi, joven sira tenki fo liman ba malu hodi estuda no servisu hamutuk ho maka'as.

5. Partidu KHUNTO nia programa ba tinan lima mai hakarak harí eh kria Governasaun Di'ak (Boa Governaçāo) ida atu garante estabilidadi, sustentabilidadi hodi hametin paz iha Timor-Leste, atu nasaun iha kbi'it, hodi aselera dezenvolvimentu nasionál. Programa ne'e sita hosi Prezidente Partidu KHUNTO nia diskursu, Dra. Armanda Berta dos Santos, ba partisipante sira iha Mini Komísiu iha Laga-Baguia, Baucau (25/04).

6. "Karik imi hakarak lao ba Dili, mai ita hamutuk lao neneik, atu ita to'o Dili ho isin di'ak. Karik imi hakarak to'o lalais, imi bele ba hamutuk ho sira seluk, maibé sira la garante imi nia salvasaun atu to'o iha Dili", katak Bou Naimori Bucar iha ninia diskursu polítiku ba partisipante sira iha Baguia.

7. Manu Falur mutin ne'ebé hametin iha Bandeira KHUNTO, nu'udar símbolu naroman hosi Leten atu fo roman ba sosiedadi timorenses atu moris hamutuk nu'udar maun-alin hodi harí Unidadi Nasionál (UI). Tanba sein ispíritu ne'e (UI), timor oan tomak labele aselera dezenvolvimentu nasionál atu eleva povu ba moris di'ak. Tenik, Bou Naimori.

8.Polítika ne'e festa ida atu konsola povu bele moris kontenti; polítika nu'udar instrumentu ida atu kria kondisaun atu povu bele moris di'ak no hakmatek. Ida ne'e mak polítika ninia objetivu lolós, akresenta Bou Naimori, hodi taka nia diskursu.

10.Ikus, mai ita hotu festeja festa demokrasia ne'e ho haksolok atu estabeles Timor-Leste ne'ebé nakonu ho unidadi no paz atu lori Timor-Leste ba futuru ne'ebé nabilan.

GCB
Labels:

Comments

Post a Comment

Hosik hela komentariuiha ne'e

Popular posts from this blog

ÉTIKA NEGÓSIU

Dezvantajen iha tempu badak nudar dalan nebé ema tenki liu atu hetan vantajen iha tempu naruk.             Ema Xina fiar, komersiante nebé susesu tenki iha kbiit kreatividadi nebé ás alein kapasidadi atu hadau oportunidadi. Embora atu alkansa   ézitu no hetan proveitu refere, husu atu komersiante ida tenki uza maneira saida deit mak mosu iha nia hanoin. Maibé, buat ne’e la signifika komersiante bele uza maneira foer no bosok atu hamonu nia rivál. Komersiante Xina iha kódigu étika nebé bandu uza maneira foer. Hamonu ema seluk nia komérsiu nudar hahalok nebé povu Xina hotar tebes. Kompetisaun nudar asaun nebé susar atu hases hosi   komérsiu. Dala barak akontese kompetisaun makás nebé hamosu sizma no ostilidadi.             Kompetisaun nebé saudável sei benefisia parte hotu. Nune mos kompetisaun nebé la justu sei la lori proveitu ba se deit no parte hotu. Karik iha...
Post a Comment
Read more

MANEIRA | TIPS 3 HALO TÍTULU TEZE NEBÉ DIAK

Maneira oin-sa defini teze nia tema no deskobre títulu nebe furak, ida né mak nudar problema inísiu ba estudante sira atu hahu halo sira nia teze. Maibe ita boot lalika laran susar, tuir mai né sei aprezenta faze no maneira ka tips nebe bele implamenta nodi prosesu lalais ita boot nia teze. Espera katak molok le tema né ita boot le uluk ona tema primeiru nebe ami hakerek antes konaba tips 13 oin-sa halo propósta teze nian. I. BUKA TEMA NEBE DIAK NO FURAK Importanti tebtebes atu hili tema ka tópiku nebe diak. Iha buat lubuk ida nebe tenki tetu uluk molok hili teze nia títulu, hanesan: 1). Tópiku nebe hili ona, ita boot domina ka lae? 2). Dosente giador domina no bele lori ita boot durante prosesu halo teze né ka lae? 3). Atensaun diak ho tempu (deadline), tema nebe ita boot hili bele hotu lalais iha tempu badak ka lae? 4). Tuir kapasidadi, presiza orsamentu hira ba tema nebe ita boot hili? II. INSTRUMENTU APOIANTE 1). Foti Tópiku nebe fasil Tenki defini ho klaru kedas atu ...
Post a Comment
Read more

Prezidente Repúblika Deklara “Funu”

Imajen Ilustrasaun Iha Kuarta Feira, Loron 8 fulan Abril 2020, Prezidente Repúblika, Franciso Guterres Lu’Olo, hato’o mensajen importanti ba povu tomak relasiona ho situasaun atuál ne’ebé povu presiza fó konsiderasaun, nune’e kolaborasaun entre povu ho Estadu no Governu bele alkansa ho di’ak ba nasaun no povu nia vida. Kona-ba ne’e, ami toma notas nesesáriu balu hodi fahe ba maluk sira tuir ami nia “ponto de vista” .   Primeiru, Señor Prezidente Repúblika toka uluk kona-ba situasaun emerjénsia ne’ebé Estadu no Governu servisu maka’as hela atu responde, mak: Funu hasoru ameasa COVID-19. Relasiona ho ameasa konkretu hosi virus ne’e, Governu limite kedas povu nia movimentu ho objetivu atu salva-guarda kada pesoa ho kada família timorense nia moris atu la hada’et virus ne’e ba maluk seluk. Apelu Prezidente Repúblika ho virus refere, nu’udar atensaun espesiál hosi aman nasaun nian ba oan sira, povu timorense, nia salvasaun perante atake hosi virus perigozu ne’e. Tanba ne’e povu...
Post a Comment
Read more