Dosente giador akadémiku nebe sei akompinia ita boot oin-sa atu halo teze, importanti tebtebes, tanba ita boot nia destinu, momentu ida né, iha nia liman. Presiza hatene mos katak dosente giador nia responsabilidadi mak atu gia ita boot durante hakerek teze nian. Maibe iha prátika, iha dosente giador balu nebe sei oferese nia tempu atu akompainia didiak ita durante prosesu hakerek teze. Iha mos dosente balu nebe prontu akompainia ita boot, maibe nia sei fo liberdadi tomak oin-sa ita atu jere rasik ita nia tempu. Tanba né, estuda no adapta-an didiak ho dosente giador nudar instrumentu importanti ida nebe suporta ita boot nia servisu durante hakerek teze.
Kada universidadi iha ninia polítika rasik kona ba dosente giador akadémiku nian. Ita boot bele hili rasik dosente giador nebe ita hakarak. Iha mos universidadi balu nebe hili dosente giador ba estudante finalista nebe atu halo teze. Maibe, dala barak, estudante gosta liu kuandu sira rasik mak hili dosente giador. Maneira oin-sa hili dosente giador nebe lolos? Buka dosente nebe hanesan ho ita boot nia nesesidadi. Atu kumpriende diak liu, sei aprezenta klasifikasaun dosente tuir sira nia esperiénsia, nudar dosente katuas (senior) no dosente foin-sae (Junior). Sira ida-ida iha ninia parte fraku no forte.
PRIMEIRU: Dosente Katuas jeralmente ho idadi hat-nolu ba leten. Mínumu ho títulu akadémiku doutorado ou boot liu mak professor, nebe ho oras servisu ka hanorin nian as tebes.
Wainhira ita boot hili dosente katuas, nia parte fraku mak né: Prosesu atu gia ita boot sei susar uitoan, tanba maioria dosente katuas sira gosta haré estudante nebe servisu ho sériu no perfeitu. Ita boot mos sei hasoru difikuldadi atu hasoru sira tanba dosente katuas nia oras hanorin barak no oráriu apertadu tebes. Maibe benefísiu nebe ita boot sei hetan husi dosente katuas sira mak né: Teze nia kualidadi, jeralmente, sei diak liu ita boot nia kolega nian. No ita boot mos sei hetan tulun iha momentu defeza ita nia teze, tanba dosente foin-sae sira sei la hamonu ita boot iha dosente katuas sira nia oin tanba respeitu no esperiénsia. No iha kazu barak, estudante pasa ho valor A, tanba kualidadi teze garantidu duni.
SEGUNDU: Dosente Foin-sae jeralmente sira nia idadi hat-nolu mai kraik, nebe maioria ho títulu akadémiku mestradu, no fasil atu hasoru sira iha área universidadi laran.
Karik, ita boot hili dosente giador foin-sae entaun sei fasil liu durante iha prosesu gia nia laran ka konsultasaun. Fasil atu hetan no hasoru ita nia giador tanba nia oras hanorin nian seidauk as hanesan dosente katuas sira. Dosente foin-sae baibain la preokupa ho sira nia imajen no la hatudu-an ba sira nia estudante. Maibe parte fraku mak né, ita boot sei senti-an luta mesak wainhira hasoru izame teze nian. Se dosente nebe fo izame katuas liu ita boot nia dosente giador, mak sira sei atake ita boot ho pergunta detaillu oioin. Iha momentu hanesan né ita boot nia dosente giador iha pozisaun la seguru no sei la fo tulun nebe másimu.
IKUS, estudante presiza hakraik-an no iha estratejia. Tanba né, presiza atensaun mos wainhira atu hili dosente giador. Presiza tetu didiak dosente hanesan saida mak ita boot presiza atu ajuda ita iha momentu ikus né. Karik, ita nia teze né hakerek kona ba issue sira nebe atual-inovativu, diak liu buka dosente katuas sira, no aprende maneira oin-sa atu manan nia atensaun no nia fuan. Tanba teze ho issue foun ka inovativu dala barak hamosu pergunta oioin nebe dosente katuas sira bele hamate ho sira nia koinesimentu.
(GCBarros)
Kada universidadi iha ninia polítika rasik kona ba dosente giador akadémiku nian. Ita boot bele hili rasik dosente giador nebe ita hakarak. Iha mos universidadi balu nebe hili dosente giador ba estudante finalista nebe atu halo teze. Maibe, dala barak, estudante gosta liu kuandu sira rasik mak hili dosente giador. Maneira oin-sa hili dosente giador nebe lolos? Buka dosente nebe hanesan ho ita boot nia nesesidadi. Atu kumpriende diak liu, sei aprezenta klasifikasaun dosente tuir sira nia esperiénsia, nudar dosente katuas (senior) no dosente foin-sae (Junior). Sira ida-ida iha ninia parte fraku no forte.
PRIMEIRU: Dosente Katuas jeralmente ho idadi hat-nolu ba leten. Mínumu ho títulu akadémiku doutorado ou boot liu mak professor, nebe ho oras servisu ka hanorin nian as tebes.
Wainhira ita boot hili dosente katuas, nia parte fraku mak né: Prosesu atu gia ita boot sei susar uitoan, tanba maioria dosente katuas sira gosta haré estudante nebe servisu ho sériu no perfeitu. Ita boot mos sei hasoru difikuldadi atu hasoru sira tanba dosente katuas nia oras hanorin barak no oráriu apertadu tebes. Maibe benefísiu nebe ita boot sei hetan husi dosente katuas sira mak né: Teze nia kualidadi, jeralmente, sei diak liu ita boot nia kolega nian. No ita boot mos sei hetan tulun iha momentu defeza ita nia teze, tanba dosente foin-sae sira sei la hamonu ita boot iha dosente katuas sira nia oin tanba respeitu no esperiénsia. No iha kazu barak, estudante pasa ho valor A, tanba kualidadi teze garantidu duni.
SEGUNDU: Dosente Foin-sae jeralmente sira nia idadi hat-nolu mai kraik, nebe maioria ho títulu akadémiku mestradu, no fasil atu hasoru sira iha área universidadi laran.
Karik, ita boot hili dosente giador foin-sae entaun sei fasil liu durante iha prosesu gia nia laran ka konsultasaun. Fasil atu hetan no hasoru ita nia giador tanba nia oras hanorin nian seidauk as hanesan dosente katuas sira. Dosente foin-sae baibain la preokupa ho sira nia imajen no la hatudu-an ba sira nia estudante. Maibe parte fraku mak né, ita boot sei senti-an luta mesak wainhira hasoru izame teze nian. Se dosente nebe fo izame katuas liu ita boot nia dosente giador, mak sira sei atake ita boot ho pergunta detaillu oioin. Iha momentu hanesan né ita boot nia dosente giador iha pozisaun la seguru no sei la fo tulun nebe másimu.
IKUS, estudante presiza hakraik-an no iha estratejia. Tanba né, presiza atensaun mos wainhira atu hili dosente giador. Presiza tetu didiak dosente hanesan saida mak ita boot presiza atu ajuda ita iha momentu ikus né. Karik, ita nia teze né hakerek kona ba issue sira nebe atual-inovativu, diak liu buka dosente katuas sira, no aprende maneira oin-sa atu manan nia atensaun no nia fuan. Tanba teze ho issue foun ka inovativu dala barak hamosu pergunta oioin nebe dosente katuas sira bele hamate ho sira nia koinesimentu.
(GCBarros)
Comments
Post a Comment
Hosik hela komentariuiha ne'e