COLONEL HARLAND DAVID SANDERS
Nia halo tinan 5, nia aman mate.
Nia halo tinan 16, nia pára husi nia eskola.
Nia halo tinan 17, ba dala hat kompainia hasai nia husi nia servisu.
Nia halo tinan 18, nia kaben.
Iha idadi 18-22, nia hanesan kondutor, maibé failla.
Hafoin nia koko tuir teste tama fakuldadi direitu, maibé ida ne’e mos failla tan. Iha idade 19 deit, nia sai ona apá ba uma-kain ida. Nia halo tinan 20, nia ferik-oan husik tiha nia no lori mos nia oan feto nebé sei bebé.
Nia servisu iha kafetária kiik ida nodi fasi bikan no tein. Nia koko foti fila nia oan feto husi nia ferik oan nebé husik hela nia, no ikus mai nia konsege fó laran-metin ba nia ferik-oan nodi fila ba hamutuk ho nia.
Iha idadi 65, nia reforma husi nia servisu. Iha loron primeiru, nudar ema reformadu, nia simu cheque ho valor $105 husi governu.
Nia senti governu mos konsidera nia labele
sustenta rasik ona nia moris, tanba ne’e tenki fó apoiu ba nia hanesan ema terseira-idade.
Nia koko atu oho-an, tanba nia senti durante tinan 65 nia hanesan ema ida nebé sempre failla iha buat hotu-hotu.
Nia tur iha aihun ida, nodi hakerek nia planu atu oho-an nian iha surat rohan ida.
Maibé, ikus mai nia kansela tiha planu ne’e, nodi hakerek fali buat seluk.Nia husu, "Saida mak hau tenki halo iha nia moris restu ne’e, no iha idadi nebé besik hotu ne'e?"
Nia haré ba nia-an katak sei iha oportunidadi no matenek nebé nia iha mak ne’e: Nia matenek tein. Nia garantia cheque nebé nia iha, nodi impresta osan $87, atu sosa manu, nodi tein ho nia reseita rasik. Hafoin nia fan nan manu ne’e husi uma ida ba uma seluk, uma kain barak: 1.009 iha sidadi Kentucky makla simu nan manu nebé nia fan.
Keta haluha, katak iha nia tinan 65, nia prepara-an atu oho-an tiha. Maibé iha tinan 88, nia sai nudar Billionaire ho negósiu fan nan manu, Kentucky Fried Chicken (KFC).
Ohin loron, iha mundu tomak, iha sidadi sira, ema hotu koinese KFC, nan manu nebé
Saborozu tebes.
Mensajen morál husi istória ne’e atu dehan katak: Ita labele buat ida naran failla,
Tanba ema nebé susesu mak ema sira nebé failla dala barak, maibé nia nunka rende‼
Ema nebé susar atu ema seluk halo lakon nia mak ema nebé nunka hakarak rende‼
Fontes:
https://en.m.wikipedia.org/wiki/Colonel_Sanders.