Iha oan riku ida no susesu tebes, nia vizita nia inan nebé latan hela iha ospitál tanba moras nebé hein deit atu hasai nia moris. Doutor fó ona lisensa ba inan ne’e atu bele fila ba uma.
Matan-bén no arependimentu iha loron ikus laiha folin. Tanba sira laiha hotu ona.
Oan ne’e, ho ansia ba hasoru no tulan nia inan fila kedas ba uma. Wainhira iha uma, oan ne’e hasai kwitansi barak intrega ba nia inan. Kwitansi sira ne’e nudar fatura
durante nia inan halao tratamentu iha ospitál.
1. Aimoruk $1,000.00
2. Kuartu iha ospitál $600.00
3. Osan kolen vizita nian $300.00
4. Osan hein kalan nian iha ospitál: $300.00
5. Osan hodi kuidadu nia inan durante fulan ida $550.00
6. Osan selu nia tanba husik nia enkontru sira $450.00
7. Osan selu fali nia mina kareta nian nebé nia gasta lao ba mai ospitál $250.00
8. Despeza seluk $1,100.00
No la haluha nia hakerek nota ida iha kraik dehan: “Bele selu dala ida ou bele selu uitoan-uitoan”.
Inan ne’e hamnasa ba oan nebé nia hadomi tebetebes ne’e. Hafoin inan ne’e foti pasta ida no intrega ba nia. Nia simu pasta ne’e no sai kedas husi nia inan nia uma, la haré saida mak iha pasta nia laran. Liu tiha oras balu, nia kolega ida telefone ba nia katak nia inan nia moras mosu fali ona.
Oan feto ne’e nonok, la interese no fó importánsia liu ba nia oráriu servisu nian. Hafoin, nia hanoin hetan pasta nebé nia inan fó ba nia, nodi buka hatene saida mak iha pasta nia laran. Afinál buat nebé iha pasta nia laran mak sertifikadu uma, rai, no buat seluk-seluk tan nebé nia inan nian.
Oan feto ne’e nonok, la interese no fó importánsia liu ba nia oráriu servisu nian. Hafoin, nia hanoin hetan pasta nebé nia inan fó ba nia, nodi buka hatene saida mak iha pasta nia laran. Afinál buat nebé iha pasta nia laran mak sertifikadu uma, rai, no buat seluk-seluk tan nebé nia inan nian.
Seidauk konsege lé hotu dokumentu sira,
nia kolega fó hatene katak nia inan mate tiha ona. Oan feto ne’e sei nonok nafatin no nia haré surat tahan rohan ida monu sai husi dokumentu sira nebé nia kaer hela ne’e nia lét.
Surat tahan kiik ne’e nudar karta ikus
husi nia inan, nebé hakerek. Oan doben, obrigada barak ba buat hotu nebé Ó fó ona ba ama. Ó hakerek no konta hotu buat nebé Ó halo ona ba ama. Ama mos la haluha atu halo nune, oan doben. Maibé ama la hatene atu konta sasan sira ne’e nia folin.
Sosa hahan nutrisaun, durante fulan 9 Ó iha ama nia knotak: “Gratis”
Durante fulan 9 ama kous Ó iha ama nia knotak: “Gratis”
Osan partu nian no moras hotu nebé ama simu durante prosesu tur-ahi nian: “Gratis”
Kalan-kalan ama hein Ó hodi fó susu: “Gratis”
Iha momentu susar hotu nebé nakonu
ho matan-bén tanba kuidadu Ó: “Gratis”
Wainhira lori Ó ba doutor, sosa aimoruk ba Ó nia moras no reza ba Ó: “Gratis”
Ama nia susu nebé Ó susu: “Gratis”
Osan selu eskola nian, han nian, no Ó nia hela fatin: “Gratis”
Osan hodi kuidadu Ó desde kiik tó boot no tó Ó susesu: “Gratis”
Hadomi Ó durante tinan 30 nia laran: “Gratis”
Hau nia oan, se Ó konta hotu buat sira ne’e
mak Ó sei hatene katak inan-aman nia domin ba Ó: “GRATIS…‼”
Hau nia oan, hau koalia halimar ho Ó.
Ama intrega buat sira ne’e hotu ba Ó hanesan liman-rohan. Atu selu hotu despeza nebé Ó hasai durante ama moras iha ospitál.
"Perdua ama, tanba ama labele fó barak liu ne’e. Perdua ama, oan doben".
Tanis makás ida hakonu sala-servisu fatin ne’e tanba nia arependimentu. Maibé, nia ama laiha tiha ona.
Hadomi ita nia inan-aman nebé sei iha.
Matan-bén no arependimentu iha loron ikus laiha folin. Tanba sira laiha hotu ona.