TIMOR NOW HATENE - Iha parte kik ida husi lisaun sigredu moris nian (The Secreat of Life) nebé bele no ita bele hetan hodi fó signifikadu   ba moris ida nebé nakonu ho sentidu no feliz… Ida ne’e mak lei konaba moris nebé nakonu-nakfakar soi-duni   ba forma ESPÍRITU NEON nian nebé diak no boot. Hau nia irmaun…Wainhira ita fó mak ita sei simu. Wainhira ita tulun ema seluk, iha momentu nebé hanesan ita tulun daudaun ita nia-an rasik. Saida mak ita halo ba emak seluk, tuir lolós ita halo daudaun buat ne’e ba ita nia-an rasik. Ida ne’e mak sigredu moris nian nebé subar ba ema barak hodi forma Epíritu Neon nian nebé diak no boot… Tanba ne’e ema barak   gosta liu atu simu deit duke fó. Sira gosta liu simu tulun duke sira mak fó tulun. Moris haré deit ba sira nia-an. Hau nia irmaun…. Ema matan delek ida lao ho nia ai-tonka iha kalan… Nia liman lós kaer nia ai-tonka no iha liman karuk   nia lori ahi-oan. Panorama ida ne’e halo hakfodak mane ida nebé lafinje haré a...

“Moris ekstra-ordiáriu hahu husi mehi nebé ekstra-ordináriu mos.” Ema ida-ida iha kbiit atu halo nia moris sai lalehan ka infernu, depende ba oin-sa ita hili ita nia mehi. Ema sira nebé haré moris nudar lalehan, ema ne’e manan. Kontráriu, ema sira nebé haré moris ne’e nudar infernu, nia lakon daudaun. Oin-sa atu realiza mehi sai susesu nodi haré moris nudar lalehan, mai ita aprende iha faze nen (6) nebé DR. DAVID J. SCHWARTZ, Ph.D , nebé hakerek livru “Best Seller”: The Magic of   Thinking Big , nebé ami rezumu iha ne’e. Faze 1: Hili Fini Ita Nia Mehi Hanesan tos-nain hatene hili fini batar nebé diak liu, atu produs batar nebé mos diak. Matenek hili mehi nudar buat importanti atu realiza moris nebé diak. Fini sempre moris tuir fini ai-han nebé kuda ba rai. Kuda fini háre sempre moris háre, laos moris fali batar. Fini nú sempre moris mai nú, laos moris fali hás. Fini mehi nian sei moris mehi nian. Pergunta prinsipál rua, desidi hili mehi saida mak ita sei kuda, mak ne’e: ...

Joven ida tur hanoin nia futuru. Nia hahu husu barak konaba saida mak futuru no oin-sa atu hetan. Nia la hetan resposta ida nia mos hamrik no hahu lao. Nia lao ba jardin no haré avó mane ida tur hela iha banku jardin nian. No nia hanoin karik avó ne’e bele responde saida mak nia hakarak hatene. Nia hanoin katak avó nebé katuas ona klaru iha esperiénsia barak no haré futuru ho klaru mos. No nia lao neineik hakbesik-an ba no hasé   avó ne’e no hafoin nia tur iha avó ne’e nia sorin. Nia fiar katak nia sei hetan resposta ba buat nebé nia buka, nia hahu loke koalia. “Klaru katak avó hakat liu esperiénsia barak ona, no wainhira hanesan joven avó hatene ona avó nia futuru. Karik hau bele hatene, saida mak futuru ne’e no oin-sa atu hetan nia? Hau hatete lolós ba avó katak   hau bingun fali ho hau nia futuru.” Ho hamnasa hahaek uitoan avó ne’e hatan, “ Hau mos uluk joven hanesan Ó, no wainhira hanesan joven, hau mos senti bingun ho hau nia futuru no oin-sa atu hetan nia. Uluk ha...

Iha manu inan ida la'o iha tos laran, teki-teki nia hetan manu tolun boot ida iha hela ai-abut sira le'et. La hanoin naruk nia lori manu tolun ne’e ba tau hamutuk ho nia tolun sira seluk ne'ebé nia lu'ut hela. Wain-hira manu tolun sira ne’e hafera-an, sai manu oan sira ne'ebé boot ba daudaun hanesan manu oan baibain. Maibé wainhira manu inan haré ba nia sira ne'ebé halibur hela, nia haré manu oan ida mak la hanesan ho manu oan sira seluk. Manu inan ne’e dehan, “Ah afinál….nia ne’e makikit boot ida nia oan.” Manu inan ne’e hadomi makikit oan ne’e hanesan hadomi nia oan rasik. Makikit oan ne’e nia fó han, kuidadu, no hanorin hanesan manu oan   sira seluk. Makikit oan ne’e krese ho kostume hanesan manu oan baibain. Nia halai ba-mai, hamnasa hamutuk ho manu oan sira seluk, no dala ruma nia kiki-ri hanesan manu oan sira seluk mós. Loron ida manu inan ne’e, husu ba makikit oan atu sira nain rua la'o halimar ba lágoa ida nia be'e hakmatek lós. Sira nain ...

Iha lilin hat lakan hela, ida-idak nabe'en daudaun. Ambiente hakmatek lós, ema ida mós la iha ne'ebá. Lilin sira ko'alia ba malu, ida primeiru dehan: "Hau mak dame. Maibé ema la kuidadu hau; tanba ne'e diak liu hau mate  deit!" Nune'e nia nabe'en daudaun. Lilin da'rua mós dehan: "Hau mak Fé; maibé kasian hau la vale tan ona. Ema lakohi kuiñese hau, la útil ona, nusa mak hau hakarak lakan nafatin." Ko'alia seidauk hotu anin hu'u mate nia. Ho laran triste lilin da'tolu mós ko'alia: "Hau mak karidadi. Hau la aguenta tan ona atu lakan nafatin. Ema la haré no valoriza hau. Sira laran moras-malu, aat liu sira laran-moras ema ne'ebé hadomi sira ka sira hadomi,  maski sira sira hotu mai husi ran fukan ida." Derepenti labarik feto oan ida tama ba kuartu, nia haré lilin tolu ne'e mate hotu ona. Tanba tauk nakukun, nia dehan: "Hei sa mak akontese?! Nia hakilar. Imi tenki lakan nafatin, ...

Matt Mullenweg…                                                is a Fool - But Even Fools Do Smart Things..             Matt Mullenweg nu'udar fundador WordPress, situs ba blogger hotu. Iha idadi ne'ebé sei nurak nia famozu ona nu'udar milionáriu, ne'ebé ho riku soin total miloens 40 Dolares Amerikanu. Matt dezenvolve WordPress nu'udar aplikasaun blog ne'ebé aberta/nakloke ba públiku.             Nia dehan:" Se ita halo buat ida tanba osan, ita sei hasoru difikuldadi barak wain-hira ita fan. Maibé halo sa mak ita gosta, entaun osan mak sei duni tuir ita.” Nia hakarak halo WordPress nu'udar buat ne'ebé folin ba nia komunidadi ne'ebé mai husi rasa...

Iha momentu mane ida, ho laran triste, telefone ba Norman Vincente Peale, autor livru: “The Power of Positive Thinking” . La iha tan buat ida mak nia iha ba nia moris agora ne’e. Norman konvida mane ne’e ba nia servisu fatin. “Buat hothotu lakon tiha ona. La iha esperansa tan,”tenik mane ne’e. “Agora hau moris iha nakukun laran ne'ebé klean tebes. Hau nia moris ne’e lakon tiha ona”. Rona mane ne’e nia lamentasaun sira, Norman hamnasa uitoan ho simpatia. Hafoin dehan: “ Mai ita estuda lai ita boot nia situasaun”, Norman ko'alia hodi hakalma nia. Norman foti papel mutin ida, hafoin dada liña ida iha klaran hodi fahe papel ne’e ba parte rua. Norman husu ba mane ne’e atu iha parte liman-karuk nia hakerek buat sa deit mak lakon tiha ona husi nia moris. No iha parte liman lós, nia hakerek buat restu sa deit mak sei hela ho nia. Ho oin triste ne'ebé kle'an, mane ne’e dehan:”Ita la presiza hakerek iha parte liman-lós.   Tanba hau la iha tan buat ida ona.” “Entaun desde...