TIMOR NOW HATENE

Hau hatene toba fatin  nebé “k arun liu” iha mundu  mak “ toba fatin nebé iha ospitál” , ne'ebé hau sosa labele.  Hau so bele aluga “kada loron” ho presu ne'ebé mós hau selu labele. Mai rona saida mak Señor Steve Jobs ,  Fundador Apple nian ne'ebé ho nia rikeza miloens $70 dolares amerikanu,  ne'ebé husik hela lia-fuan ikus molok nia mate.   Iha mundu bisnis, hau nu'udar símbolu susesu nian,  ne'ebé dala barak susar atu haketak riku-soin ho hau nia-an.  Hau servisu no servisu deit, tanba hau nia hobi la barak.  Oras ne’e hau latan eh toba hela iha ospitál,  hodi reflete hau nia dalan moris, riku-soin, naran, no posizaun.  Buat ne’e hotu la iha ona folin. Kalan ne'ebé hakmatek lós,  ahi naroman no makína sira  ne'ebé lian besik hau latan fatin,  nu'udar mate i'is hakbesik daudaun ona mai hau-an. Agora mak hau foin hatene,  ema ida sarak iha riku-soin  ne'ebé uza ba nia-an rasik ne’e naton ona. ...

Uluk hau gosta beibeik krítika ema seluk, tuir hau nia supozisaun, hau rasik mak lós liu, no ema nebé hau krítika sala.   Tanba saida uluk hau krítika beibeik ema seluk? Tanba hau fiar no ema barak mos fiar katak, buat krítika ne’e hodi konstroi, harí. Tanba ne’e dala barak ita rona ema dehan la buat ida, krítika deit ba, sarak krítka nebé konstroi.  Wainhira hau nia tinan aumenta tuan no hau hahu interesadu atu aprende konaba livru sabedoria sira, hau hakfodak katak parte barak husi livru sabedoria sira dehan katak TUIR LOLÓS LAIHA KRÍTIKA IDA MAK KONSTROI, krítika hotu nia objetivu hodi harahun-hamonu, halo aat no hanehan ema nebé simu krítka nia sentimentu.  Tó iha loron ida hau lé livru, rezultadu eksperimentu Masaru Emoto nian, husi Japaun, nebé koko halo izame ba fós ka etu, nebé nia tau iha toples plástiku rua nebé la hanesan. Toples primeiru, loron-loron fó krítika beibeik no hakerek liafuan krítka iha masa lolon. Hafoin toples segundu fali, fó motiv...

Iha Joven ida hakbesik ba Padre ida hodi hato'o pergunta ne’e, “Hatudu mai hau oin-sa hau bele hetan Maromak.” Padre ne’e husu fali ba nia, “Ó nia hakarak ne’e boot oin-sa? Joven ne’e hatan, “Boot liu buat hotu-hotu iha mundu ne’e.” Padre ne’e hatan: “Ok, ita la'o agora.” Hafoin, Padre ne’e tulan joven ne’e sira nain rua ba tasi ibun, to'o iha ne'ebá sira nain rua tama ba tasi laran no tasi be'en sa'e to'o nia kakorok. Hafoin Padre ne’e foti liman tulan ba joven ne’e nia ulun no hanehan nia tun ba tasi laran. Joven ne'ebé nani la hatene, hakas-an atu sai, maibé Padre ne’e la husik nia, até nia atu mout. Hafoin Padre ne’e kaer nia liman, sira nain rua fali ba tasi ibun, Padre ne’e husu ba joven ne’e: “ Hau nia oan, wainhira Ó iha tasi laran, sa mak Ó hakarak liu buat sira seluk?” La iha dúvida uitoan mós, joven ne’e hatan kedas: “ar". “Diak, wainhira Ó hakarak hetan Maromak hanesan wainhira Ó hakarak no presiza "a...

Iha ema ida koko afu hatene lolos Maromak Nia hakarak kona ba nia futuru. Neduni, nia foti Bíblia loke tuir nia hakarak. Hafoin loke tiha Bíblia, nia taka nia matan. Nia hatudu nia limana sanak ba Bíblia laran, atu haré nia liman sanak kona iha versíkulu nebe nia leten. Hafoin loke matan, nia haré nia liman sanak kona iha versíkulu nebe dehan sa mak nia atu halo tuir. Nia laran triste tebtebes, tanba wainhira nia loke matan, nia liman sanak hatudu ba teistu Mateus 27: 5, nebe dehan: "Hafoin..Judas sai ba tara-an tiha..."   Ema né hanoin diak liu nia koko dala ida tan. Segunda vez nia liman sanak hatudu ba teistu Luk 10: 37, nebe dehan: “Ba ona,  halo sa mak Ó atu halo....” Ba dala tolu nia uza métudu nebe hanesan, nia liman sanak monu iha teistu Juaun 13: 27, nebe dehan nuné: “Ba halo lalais sa mak O hakarak halo.”  Le Bíbli laos atu halo "teka-teki" hodi buka sorte, maibe le Bíblia ho objetivu atu koiñese Maromak no sa mak Nia hakarak ita halo ba ita nia sa...

Haré rasik deit ba transporte sira nebé halai ba mai iha estrada. Ita matan sei la ses husi   Honda nia naran nebé iternamente ema ibun temi no matan hakré. Marka Honda, sai ona belun ba ema hotu, joven tó katuas, menina tó ferik, sira doko ba mai hodi hakonu dalan sira ho “liurai dalan” ne’e. Maski nune’e se mak buka hatene, “Liurai dalan” Soichiro Honda nia istória nakukun, monu-hader no failla fila-fila iha tempu pasadu? Nia laiha títulu akadémiku hanesan Enjineiru, Doutor no Professor. Nia laos estudante nebé ho kakutak nabilan lós. Nia mos laos alunu nebé famozu iha klase laran, tanba nia fatin mak banku kotuk, nebé ses husi mestri nia atensaun. “Iha eskola hau nia valor la diak, maibé hau la triste no moe, tanba hau nia mundu mak mákina no motor sira.” Wainhira hahu halao nia bisnis sira, Honda sempre monu ka failla. Iha loron ida nia moras, halo mohu hotu nia osan, no universidadi hasai tiha nia. Maibé nia la pára ho nia mehi sira. Nia domin ba mákina, nebé nudar erans...