TIMOR NOW HATENE

Kompetisaun maratono Internasionál iha Nova Iorka, 1986, iha partisipante rihun resin husi mundu tomak. Kompetisaun ne’e nia distansia 42km haleu sidadi Nova Iorka, Amérika. Ema husi mundu tomak asisti direta eventu ne’e liu husi televizaun.    Iha eventu mundiál ne’e, iha partisipante ida mak “xupa” hotu ema tomak nia atensaun, mak Señor Bob Wieland. Se mak nia? Bob nu'udar veteranu ida ne'ebé lakon nia ain rua hotu tanba kona minas iha momentu funu. Oin-sa bele halai, Bob uza nia liman rua ne’e atu so'e nia isin-lolon ba oin.  Wain-hira kompetisaun hahu, ita bele imajina, ema rihun halai ho ambisaun boot hakarak to'o lalais iha finál. Ema tomak hamrik iha dalan ninin basa-liman ba sira, hetok sunu sira nia ambisaun ne’e. Nune’e hela deit husi distansia ida ba distansis ida seluk, 10km iha ona kotuk, partisipante balu hahu kolen hodi hit-ain hakat neneik ona. Momentu krusiál hanesan ne’e, ema foin haré, se mak tuir atu halo rame deit eventu ne’e no   se mak...

Iha Liurai rikasu ida ne'ebé laran-lós tebetebes kona-ba asuntu relijiaun nian. Iha kalan ida nia hakfodak no hader husi nia toba tanba tarutu maka'as ida iha nia uma kakuluk. No tarutu ne’e naton lós iha liurai nia kuartu leten. Tanba hakfodak, nia hakilar: “Se mak iha leten?” Rona lian ida hatan: “Ó nia kolega sa. Hau nia kuda-kamelu lakon tiha.” Liurai hirus maka'as ho hatan ne'ebé la tama kakutak ne’e, hakilar dehan: “Ó beiktén‼ Tanba saida mai buka fali kuda-kamelu iha uma kakuluk?" Liurai rona ema ne’e hatan fali: “Ó mós ema beiktén ida hotu‼ Tanba sa Ó buka Maromak, maibé Ó toba ho hatais luxu no Ó toba iha kama osan mean?" Liafuan simples ne’e hatauk tebetebes liurai ne’e, no nia hader husi nia kama leten, ikus mai nia sai ema di'ak famozu ida.